Konfrans Haqqında

Üçüncü Konfrans 2021 – ci il 4 – 6 iyun tarixlərində “Nizami Gəncəvi və Dayanıqlı İnkişaf” mövzusunda Gəncə şəhərində keçirilmişdir. Konfrans müddətində dünyanın müxtəlif ölkələrindən olan tədqiqatçıları, mütəxəssis və professorların iştirakı ilə 12 aktual mövzuda workshop təşkil olunmuşdur. Bundan əlavə konfrans çərçivəsində 5 – 6 iyun tarixlərində online formatda zoom platforması vasitəsi ilə 70 - ə yaxın bölmə təşkil olunmuşdur. Ümumilikdə konfransda dünyanın 34 müxtəlif ölkəsindən 695 iştirakçının 444 məruzə çıxışı dinlənmişdir.

İkinci konfrans dünyada davam edən pandemiya ilə əlaqədar olaraq 29.05.2020 – 31.05.2020 tarixlərində UNEC Extern Mərkəzin imkanlarından faydalanaraq online qaydada təşkil olunmuş konfrans UNEC-in 90 illiyinə həsr olunmuşdur. Açılış mərasimində Azərbaycan, ABŞ, Türkiyə və Rusiyadan olan plenarçılar öz mövzularını 4 fərqli dildə təqdim etmişdir. 2 gün online davam edən konfransda dünyanın 25 – dən çox ölkəsindən 325 məruzə 65 seksiyada online qaydada təqdim olunmuşdur.

31.05.2019 – 02.06.2019 tarixlərində Bakı şəhərində Fairmont Baku otelində təşkil olunmuşdur. Konfransın açılış mərasimində 700 - ə yaxın qonağın iştirakı ilə 4 dildə plenar çıxışlar baş tutmuşdur. Ümumilikdə 3 gün ərzində konfransda 72 məruzə seksiyası baş tutmuşdur ki, bu seksiyalarda 21 fərqli ölkədən 350 – dən çox tədqiqatçı məruzələrini təqdim etmişlər.